ආපදා හේතුවෙන් පීඩාවට පත් සංඛ්‍යාව 5415ක්. ජනතාවට කඩිනමින් සහන

පවතින අයහපත් කාලගුණ තත්ත්වයෙන් ඇති වූ ජල ගැලීම් හ නාය යෑම් හේතුවෙන් මේ වනවිට පීඩාවට පත් පුද්ගලයින් සංඛ්‍යාව 5415ක් බව ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ප්‍රදීප් කොඩිප්පිලි මහතා පවසයි.

පීඩාවට පත්ව ඇති පවුල් ගණන 1480කි. පුද්ගල මරණ 05ක් වාර්තා වන අතර තුවාල කරුවන් 04ක් වාර්තා වී ඇත.මේ වනවිට ආරක්ෂිත ස්ථාන 08ක පුද්ගලයින් 619ක් රඳවා සිටී.

ආපදා අවදානමට මුහුණ දීමට ආරක්ෂක අමාත්‍යංශය සහ ආපදා කළමනාකරණ මධ්‍යස්ථානය සමග සම්බන්ධීකරණයෙන් ක්ෂණික පියවර ගැනීමට, අදාළ සියලු නිලධාරින්ට චක්‍රලේඛයක් මගින් දැනුම් දී ඇත.

මාධ්‍ය නිවේදනයක් නිකුත් කරමින් ජනාධිපති කාර්යාලය සඳහන් කළේ, අයහපත් කාලගුණය හේතුවෙන් මේ වන විට රට පුරා විවිධ දිස්ත්‍රික්කයන් වෙත බලපා ඇති ගංවතුර, නායයෑම් හා අනෙකුත් ආපදා තත්ත්වයන්හි දී මහජනයාගේ ආරක්ෂාව සහ සුභසාධනය තහවුරු කරලීම සම්බන්ධයෙන් ගත යුතු සියළු ක්‍රියාමාර්ගයන් නොපමාව ගැනීමට කටයුතු කරන ලෙස අතිගරු ජනාධිපතිතුමා විසින් රාජ්‍ය නිලධාරීන් වෙත උපදෙස් ලබා දී ඇත.

මේ වනවිට උතුර,නැඟෙනහිර, වයඹ, ආදී පළාත්වල පවතින තත්ත්වය අඩු වීමක් දක්නට තිබෙන බව ද ආපදා කළමනාකරණ මධ්‍යස්ථානය පවසයි. ආපදාවලින් හනියට පත් වූ දේපළ තක්සේරු කිරීම කඩිනමින් සිදුවන බවත් තක්සේරුව අනුව උපරිම ලක්ෂ 25ක වන්දි මුදලක් ලැබෙන බවත් ආපදා  කළමනාකරණ මධ්‍යස්ථානය පවසයි.

සහන සේවා සැපයීම සඳහා පොලීසිය සහ ත්‍රිවිධ හමුදාව පැය 24 පුරා අඛණ්ඩ සේවයක් ලබාදෙනු ලබයි.මේ වනවිට ජලාශ බොහොමයක වාන්  දොරටු විවෘත කර තිබේ. එබැවින් පහළ වාරි ප්‍රදේශවල ජීවත්වන ජනතාව විමසිල්ලෙන් පසුවන ලෙස ආපදා කළමනාකරණ මධ්‍යස්ථානය දැනුම් දෙයි.

0 0

LEAVE A REPLY

Please enter your comment!
Please enter your name here